Bollestad:
Eanandoallo- ja biebmoministtar Olaug Bollestad bivdá olbmuid jurdilit ovdal mannet mátkkoštit olgoriikii dán geasi ja várre ahte koronadilli sáhttá jođánit rievdat.
Bollestad deattuhii gaskavahkku preassakonferánssas koronadili birra, ahte olmmoš ferte plánet norggas mátkkoštit jus háliida einnostanvejolašvuođa. Son čujuha ahte kárta mii čájeha ruoná riikkaid – riikkat gosa sáhttá mátkkoštit nu ahte ii šatta erremii go boahtá fas ruoktot, jođánit sáhttá rievdat.
– Olbmot fertejit váldit ovddasvástádusa
Seammás son lohká olbmuid fertet váldit ovddasvástádusa heađuštandihte koronadávdda ođđasit leavvamis Norggas, go otná rájes fas rahppo Norga olgoriikkalaš mátkkošteddjiide stuora osiin Eurohpás.
– Go mii dál fas rahpat vejolašvuođa mátkkiide olu riikkaide EØS:s ja Schengenis, lea mis buohkain stuora ovddasvástádus heađuštit ahte njoammun fas lassána, lohká Bollestad.
(©NTB)
