Sáhka ahte Kirste lea stuorra ruđaid vuoitán lea ožžon leahtu Firkkal-reŋgii. Son čohkkesta biergasiiddis ja guođđá olbmás, Mortena, okto biilla haga unna bartii gos maŋemus jagi leaba orostallan Báhčaveaji guovllus.
Dát fearánat ránnjážiid birra leat dáhpáhuvvan soames gilážis, na soaitá vaikke Jergolis, Mázes, Sirpmás dahje Gáivuonas, gii dan diehtá. Ránnjážiin leat goit, nu go ránnjážiin lávejit ge, olu somás ja muhtun eai nu somás dáhpáhusa. Ráhkesvuohta, birgejupmi ja balahahkesvuohta dagahit olu bárttiid giliolbmuide.
Dán jagi beassabehtet gullat nuppádassii juovlakaleandara mii almmuhuvvui juovlamánu 2018.
