Guoládatnjárgga regionála eiseválddit mearridedje gieskat ealgabáhčinlobiid lohkomeari. Daid galget vuorbádit 1492 ohcci gaskka.
– Báhčináigodat álggahuvvui borgemánu 1. beaivvi ja bistá jagi, almmuha regionála luonddodepártemeanta B-port neahttaaviissa bokte Murmánskkas.
Geassemánu 1. beaivvis gitta suoidnemánu 15. beaivái dán jagi leat eiseválddit registreren 1655 ealgabáhčinohcama. 1492 ohcama leat dohkkehuvvon. Daid ohcciid gaskkas vuorbádit 450 báhčinlobi.
Visot ealgabáhčinlobiid juhket suohkaniid mielde. Almmuhuvvon dieđuid mielde Lujávrri suohkanis sáhttet báhčit 86 ealgga. Eanemus lohkomeari leat ožžon Kandalakša suohkanis – 118 ealgga.
Siskkobealde 450 logu leat 325 ealgga boarráseappot go jagi ja 125 ealgga vuollel jagi.
