Ođđa iskkadeapmi čájeha ahte 18 proseantta dain geain jerre biehttalit váldimis koronaboahkuheami go dat lea olámuttos. Dušše 60 proseantta dadjet ahte sii válddášedje boahkuheami.
– Čielga eanetlohku háliida váldit boahuheami. Sullii okta viđa norgalaččas eai hálit, ja nu lea leamaš borgemánus, čakčamánus ja dássážii golggotmánus, dadjá Opinion seniorráđđeaddi Nora Clausen preassadieđáhusas.
Iskkadeamis lea Norsk koronamonitor jearran 4000 olbmos váldet go boahkuheami koronavirusa vuostá go dat šaddá olámuttos. Ovddit iskkadeami rájes, mii almmuhuvvui loahpageahčen borgemánu, lea oassi sis geat vástidedje «juo» njiedjan golmmain proseantačuoggáin, ja oassi geat biehttalit váldimis boahkuheami lea lassánan guvttiin proseantačuoggáin.
Iskkadeapmi, man Dagbladet almmuhii mannan vahkku, čájeha ahte 39 proseantta eai hálit váldit boahkuheami jus šaddá olámuttos dál.
Stáhtaministtar Erna Solberg várrii sin geat eahpiditkoronaboahkuheami lávvardaga Dagbladet aviissas.
– Jus leat menddo moattis geat boahkuhit, de šaddá váddásat geahpidit dađi mielde. Lea han vuhtii váldit sin geat duođalaččat buohccájit mii lea mearrideaddji, dadjá son.
Ođđa iskkadeapmi, man Norsk koronamonitor lea dahkan, čájeha ahte 66 proseantta ballet ahte ođđa koronaboahkuheamis sáhttet váralaš liigeváikkuhusat. Dat lea guhtta proseantačuoggá eanet go borgemánus.
©NTB
