Maŋimuš jagi lea juohke njealját olmmoš bivdán ekonomalaš veahki bearrašis dahje ustibiin, čájeha Frelsesarmeena iskkadeapmi.
Logut čájehit ahte maŋŋel go korona hearjidišgođii, de leat eanet go beali eambbo olbmot geat dárbbašit ekonomalaš veahki. Frelsesarmeen lea jearahan seamma olbmuid dál go skábman 2020:s. Dalle vástidedje 9 proseantta jerrojuvvon olbmuin ahte leat šaddan bivdit veahki olbmáin ja bearrašis. Dán jagi leat 23 proseantta geat vástidit dan seamma.
– Iskkadeapmi maiddái čájeha ahte eambbosat leat vuosttaš geardde dárbbašan veahki ja ahte leat olbmáin ja bearrašis bivdán veahki, lohká Frelsesarmeena gulahallanjođiheaddji Smith-Solevåg.
Frelsesarmeen lea maid veahkehan mealgat eambbo olbmuid go ovdal ja biebmoráiddut dušše guhkkot ahte guhkkot máŋgga sajis.
– Lea hirbmat ahkit deaivvadit olbmuiguin geat rahčet dál ja geat eai goassege jáhkkán ahte sii galggaše gártat dan dillái. Norgalaččat han leat hárjánan dasa ahte birgejit bures, lohká Smith-Solevåg.
(©NTB)
