Sámediggeráđđi lea juohkán ruđa sihke fanasoastimii, skearru almmuheapmái ja boazobiebmanávdnasii. Geahča masa guhtege lea ožžon doarjaga.
Oktiibuot 1 3510 250 ruvnno lea Sámediggi juohkán.
Stuorámus juolludeami oažžu Bárus SA gii oažžu 408 250 ruvnno prošektii mas lea bajilčála «Boazu biebmun, ávnnasin ja dálkkasin».
Dát leat ožžon juolludemiid:
Anders Kleppe Johansen, vuosttaš geardde fatnasa oastit – oažžu 250 000 ruvnno.
Berglund Fisk oažžu 200 000 ruvnno oasseruhtadeapmi oastit bivdofatnasa.
Hebi Fisk AS fas 300 000 ruvnno oastit fatnasa. Davvi Division AS lea ožžon 138 000 ruvnno prošektii Lounge Sápmi: Govhl, the Cacophony.
Gollebeaivi AS fas lea ohcan doarjaga Elin & The Woods nuppi skearru vuovdaleapmái. Skearru galgá ollásit almmuhuvvot giđđat/geasset 2024. Sii ožžo 30 000 ruvnno dan bargui.
Scenevent Unjárga/Nesseby lei ohcan ruhtadeami Ann-Jorid Henriksen konsertii mii lágiduvvui njukčamánu 8. beaivvi, sii ožžot 25 000 ruvnno.
Bárus SA gii oažžu 408 250 ruvnno prošektii boazu biebmun, ávnnasin ja dálkkasin – Máret Rávdná Buljo. Gáldu: Sámediggi
