Johtolatministtar Jon Georg Dale evttoha loktet leaktorájá muhtin gaskkain Norggas.
– Rivttes johtolatráját leat dehálaččat vai sáhttá ávkkástallat geaidnoinfrastruktuvrra buoremus vuogi mielde. Dan árvvu maid johtolaga geavaheddjiin lea galbejuvvon leaktorájáide, vuolgá das man jierpmálaččat ja logihkalaččat ráját orrot leamen geavaheddjiid mielas. Danin loktet mii leaktorájáid muhtin gaskkain miehtá Norgga, lohká johtolatministtar Jon Georg Dale Johtolatdepartemeantta preassadieđáhusas.
Fámuiduvvá dál čakčamánus
Stáhta geaidnodoaimmahat sádde gulaskuddamii evttohusa loktet leaktorájáid.
Rievdadusat fámuiduvvet dál čakčamánus.
– Mii háliidat ahte olbmuid mátkkoštanbeaivi galgá šaddat nu álkin, sihkarin ja beaktilin go vejolaš. Danin lea mis leamaš alla investerenvuoruheapmi olu geaidnoprošeavttaide maŋimuš jagiid ja geainnuid standárda lea buorránan vai fievrrideapmi galgá mannat jođánit, beaktilit ja sihkkarit. Dalle lea maid lunddolaš iskat makkár leaktorádjá galggašii bidjat iešguđetge gaskkaide. Mii evttohat danin rievdadit leaktorájá guđa gaskkas miehtá Norgga, lohká Dale.
Ođđa leaktoráját dáid gaskkaide
E18 Østfold, Marker gielddas: Muhtin 0,6 km guhkkosaš gaskkas loktejuvvo leaktorádjá 70 km/t gitta 90 km/t, ja muhtin 1,5 km guhkkosaš gaskkas loktejuvvo leaktorádjá 70 km/t gitta 80 km/t.
E136 Møre ja Romsdal, Ålesund gielddas: Muhtin 4,1 km guhkosaš gaskkas loktejuvvo leaktorádjá 70km/t gitta 80 km/t.
Rv80 Nordlánda, Bådådjo gielda: Muhtin 1 km guhkkosaš gaskkas loktejuvvon leaktorádjá 70 km/t gitta 80 km/t.
E18 Vinterbro Akershusas Østfold rádjái: Oassi dán gaskkas loktejuvvo leaktorádjá 70 km/t gitta 80 km/t.
E16 Kløfta – Kongsvinger: Kløfta – Nybakk gaskkas loktejuvvo leaktorádjá 90 km/t gitta 100 km/t, Slomarka – Kongsvinger gaskkas loktejuvvo leaktorádjá 90 km/t gitta 100 km/t.
E6 Gudbrandsdalen leahki, Hundorptunealla ja Teigkamptunealla : Tuneallaid siste loktejuvvo leaktorádjá 80 km/t gitta 90 km/t.
Árvvoštallo beannot jagi geahčen
Leaktorájáid rievdadeamit árvvoštallojuvvojit beannot jagi geahčen.
Dasa lassin árvvoštallo maid johtolatsihkarvuohta.
Dalle galgá maid addot geavatlaš árvvoštallan leamaš go leaktorájárievdadeamis servodahkii ávkin.
