Son lea okta dain njealljásis geat leat evttohuvvon Lorck Schive dáiddabálkkašupmái.
Váldovuoitu lea 500 000 ruvnno ja dasa lassin oažžu guhtege dan njealljásis 150 000 ruvnno mainna besset ráhkadit dáidagiid, mat galget čájehuvvojit Troandima dáiddamuseas dán jagi. Nu dieđiha NRK Sápmi.
Lorck Schive dáiddabálkkašupmi lea okta Eurohpá stuorámus dáiddabálkkašumiin.
Earret Nango de leat Anna Daniell, Ane Graff ja Ahmed Umar evttohuvvon dáiddabálkkašupmái.
Cuoŋománu 22. beaivvi geigejuvvo bálkkašupmi Troandima dáiddamuseas. Lea guđat gearddi go dát bálkkašupmi geigejuvvo 2013 rájes. Musea čállá iežas ruovttusiiddus ahte bálkkašumi ulbmil lea buktit digaštallama ja beroštumi ođđaáigásaš dáidagii.
