Leanastivra Norrbottenis lea iskan ja gávnnahan ahte albbasnáli logut leat njiedjan Davvi-Ruoŧas
Dutkit leat iskan mot albbas náli dilli lea Norrbottenis ja gávnnahan ahte ii leat lassánan. Danin leat mearridan ahte ii šatta dán jagi liseansabivdu mii galgá muddet náli.
– Mii sávvat ahte albbasnálli bissu ja viidu ovdal go sáhttit juolludit liseansabivddu leanas mii mudde náli, dadjá Maike Demski Leanastivrras Norrbottenis preassadieđáhusas.