Olgeš bellodatjođiheaddji Erna Solberg ii háliit vástidit lea go son dahje muhtun eará gii jođiha bellodaga jagi geahčen.
– In. Mun. Gal mii oaidnit. Ja dan lean dadjan čađat. Lean goitge dás politihkkárin ja fuolahan ahte mis ii leat ráđđehus mii geahččá maŋosguvlui. Mis ferte leat ráđđehus mii geahččá ovddasguvlui, dadjá Solberg TV 2:i bearjadaga.
Beaivvi mielde áigu Solberga isit, Sindre Finnes, ovdanbuktit Stuoradikki dárkkistanlávdegoddái ođđa listtu oasusgávppašemiin 2013-2021 áigodagas.
Solberg ii vástit kanálii mii boahtá ovdan vástádusas, ja čujuha baicce isidii ja su advokáhttii.
(©NTB)
