Finnmárkkubuohcciviesustivra lea odne cealkán gosa ođđa buohcciviessu galgá Hámmárfeasttas huksejuvvot. Ášši galgá meannuduvvot Helse Nord stivrras golggotmánu.
Finnmárkkubuohcciviesustivra lea odne cealkán gosa ođđa buohcciviessu galgá Hámmárfeasttas huksejuvvot. Ášši galgá meannuduvvot Helse Nord stivrras golggotmánu.
Máŋga huksenbáikki leat árvvoštallojuvvon, ja loahpas báhce guokte evttohusa. Dálá buohcciviesu báiki Fuglenesas dahje ođđa báikkis Rossmollas, mii lea meara lahka viessosadji.
– Ovdamunni Rossmollas, lea go šadda hálbbit deavdit fiervvá ja manna jođánet hukset vistti dohko. Mii háliidit geavahit unnán áiggi dan viessosadjái ja eanemus návccaid vistái, muitala Finnmárkkubuohcciviesu stivrajođiheaddji Harald Larssen preassadieđáhusas.
Álkimus čoavddus
Dálá viessobáikkis, Fuglenesas, livčče šaddat bávkalit osiid várregilggas. Rossmollas sáhttet deavdit geđggiid merrii vai šaddá viessosadji, mii ii gártta nu divrrasin. Larsen lohká maid ahte pasieanttat eai dárbbat leat huksenšilljus dan botta go huksejit ođđa buohcciviesu.
Plánaid mielde galget álgit buohcciviesu huksenbarggu jagi 2020.
