-Almmuhus-
-Almmuhus-
OĐĐASAT– Háliidivččiimet fas nuppes lávdái!

– Háliidivččiimet fas nuppes lávdái!

-

-

– Makkár vásáhus!! Olles sála dánssui ja lávlo lávlaga maŋis, ja makkár hirbmat čuorvvas dat lei, lohká KEiiNO lávlu Alexandra Rotan. Dál vuorddašit jienasteddjiid jienaid ovdal go dihtet besset go fas lávdái.

– Mii nu návddašeimmet, ja háliidivččiimet fas nuppes lávdái! Dál sávvat ahte oažžut saji finálii, lohká KEiiNO lávlu Alexandra Rotan go lávkejedje eret lávddis maŋŋel go ledje lávlon.

 

Luohti duldeha

Preassalatnja, gosa buot máilmmi mediat leat čoagganan, dušše duolddai juohke háve go luohti gullui, ja juige mielde.

Dál leat buohkat vuorddašeame dassážii go jienasteddjiid jienat gárvánit.

 

– Stuorámus favorihtaid gilvu

Norgga delegašuvdnajođiheaddji, Stig Karlsen, lea hirbmat duhtavaš ja rámpo KEiiNO bargan bures.

– KEiiNO dagai hirbmat buori barggu semifinálalávddis mas dat stuorámus favorihtat leat mielde. Dat šaddá hirbmat gelddolažžan, ja mus lea nanu jáhkku dien ovdanbuktimii, lohká Karlsen.

 

Badjána jáhkku KEiiNOi

Dieđihuvvo maid ahte KEiiNO lea giccastan bajás speallansiidduin gos olbmot sáhttet speallat ruđa dan artistta gean jáhkket vuoitit.

 

Ávvir ođasmahttá ášši dađistaga.

 

-Almmuhus-