Mannan vahkku oaččui Ella Marie Hætta Isaksen Nordic Pioneer Prize 2023, mii lea Davviriikkaid nuoraid sosiála váikkuhusaid ávvudeapmi.
Leat njeallje nuora geat ožžo bálkkašumi iešguđetge fáttáid ovddas. Ella Marie Hætta Isaksen lea iežas aktivismma ja artistaduogáža dihtii ožžon bálkkašumi.
Vuoitit ožžot buohkat 25 000 DKK, mii lea birrasii 38 300 Norgga ruvnnu.
– Dán jagáš vuoitit leat čájehan movttiidahtti beroštumi ja áŋgirvuođa buoridit servodaga, mii vuhtto sin iešguđetlágan áŋgiruššamiin, čilge Nordic Safe Cities prošeaktajođiheaddji Sebastian Jørgensen.
