Sámi aktivista ja artista Ella Marie Hætta Isaksen lea «Shackleton Medal» 2024 evttohas.
Lea goalmmát jahki go Shackleton medal juhkko, ja dál lea guhkeslisttu namain almmuhuvvon ovdal go duopmárpanela čoahkkana Royal Geographical Societyi boahtte vahku gos mearriduvvo oanehislisttu. Guhkeslisttus leat 12 riikka olbmot, ja sohkabealjuohku lea 15 almmáiolbmo ja 12 nissonolbmo, okta sis lea sámi artista ja aktivista Ella Marie Hætta Isaksen.
Shackleton-medállja geigejuvvo sutnje guhte lea leamašan mielde suddjemis poláraguovlluid, ja bálkkašupmi lea 10 000 pund, birrasii 136 000 ruvnno.
Dán jagi leat erenomáš olu olbmot nammaduvvon, čállá Shackleton.
Suoma Sámedikki Pirita Näkkäläjärvi lea duopmárpanelas.
