Oahppiguovttes gullaba goabbat luohkkái.
Bearjadaga oaččui Romssa suohkan duođaštusa ahte guoktásis, geat gazzaba oahpu Skjelnan skuvllas, lea duođaštuvvon korona. Romssa suohkana gulahallanráđđeaddi Tor-Emil Schanche čállá preassadieđáhusas ahte váhnemat leat ožžon dieđu.
Goappašat oahppit leaba isolašuvnnas, ja goappašagain lea leamaš njuolggooktavuođa oahpes njoammundáhpáhusain. Oahppit gullaba goabbat luohkkái, mii mielddisbuktá ahte guokte luohká leat dál erremis, seamma leat maid oahpaheaddjit geat gullet luohkkái ja geain lea leamaš oktavuohta dan guvttiin ohppiin.
Skjelnan skuvla leat mearridan ahte dán guoktá luohkás ja guovtti eará oahppis, geat gullaba eará luohkkái, šaddá ruovttuskuvla vuossárgga. Suohkan čađaha njoammunguorruma dán vahkkoloahpa.
