Odne, borgemánu 9. beaivvi, mii lea ON álgoálbmogiid riikkaidgaskasaš beaivvi, almmuhuvvojit dihtorspealut main lea sámi sisdoallu.
Nubbi lea ođđa mobiilaspeallu Raanaa-ráiddus man sámi speallofitnodat Miksapix Interactive AS lea almmuhan Álttás. Dán ođđa oasis, mii gohčoduvvo «Jiehtanasaid máilbmi», čuovvut mii sáŋgára Raana gii johtá sámi mytologalaš universsas Jotunheimenii, gos son ferte váruhit ahte vuoncá Fjalara biškkas ii bovtte jiehtanasaid.
Ranaa speallanáppa lea Apple App stores ja Google Playas ja dássážii dat lea vižžojuvvon badjel 100 000 geardde miehtá máilmmi.
Nubbi speallu mii almmuhuvvo, lea «Skábma – Snowfall». Dat lea gal juo ovdal almmuhuvvon PC:i, muhto dál dat boahtá Playstation 4&5, Xbox One ja Series s/x konsollaide, ja Nintendo Switchii.
Skápma almmuha Suoma/Sámi speallanfitnodat Red Stage Entertainment. Miksapix lea leamaš mielde buvttadeamen ja lea maid mieleaiggát das.
Skábma vuittii giđđat golbma bálkkašumi Nordic Game Awards ja Finnish Game Awards bálkkšupmejuohkimiin kategoriijain Best Art (buoremus dáidda), Game of the Year (Dán jagáš speallu) ja The Creative Achievement of the Year (Dán jagáš hutkás olahus).
