Norrbottena politiijat dieđihit ahte lea geavvan biilalihkohisvuohta Badjedurdnosis bearjadaga iđđedis čieža áigge. Guokte biilla leat beaškkihan oktii ja guovttis leaba sorbmanan ja ahte nubbi biila buollái.
Lei biilaluottas 99 guovddáš Badjedurdnos go guokte biilla beaškkihedje oktii bearjadaga iđđedis.
Guokte biilla ja guokte vuoddji leigga lihkohisvuođas ja goappeš biilavuoddji šattai heahteveahka čuohppat luovus.
– Dat lea duođalaš lihkohisvuohta. Mis lea hehateveahka báikkis, dadjá Bo Lennart Björklund SVT Norrbottenii ovcci áiggi.
Nubbi biilavuoddji dolvojuvvui ambulánsahelikopteriin buohccivissui ja nubbi fas ambulánssain. Biilaluodda 99 galgá fas rahppon 9.30 áiggi.
Regiovdna Norrbottenis eai lea vel addán dieđuid man bahuid leaba biilavuoddjit roasmmehuvvan.
