Unjárgga gildii lea juolluduvvon 3 miljovnna ruvnnu govdafierpmádaga viiddideapmái.
Unjárgga gielda lea dahkan šiehtadusa Varanger-KraftUtvikling fitnodagain viiddidit govdafierpmádaga. Prošeavtta ulbmil lea ásahit govdafierpmádaga mas lea alla doaibmannákca čuovvuvaš guovlluide: Njiđgui, Sirdagohpái, Juvravunnii, Suovvejohkii, Veašenjárgii ja Ceavccegeađgái.
– Varanger-KraftUtvikling lei dat fitnodat mas lei hálbbimus fálaldat, ja nu sihkkarasttii šiehtadusa. Unjárgga gielda lea duhtavaš go báikkálaš fitnodat oaččui dan šiehtadusa, dieđiha gielda sin neahttabáikkis.
Ávkkástallat
Dat mielddisbuktá ahte 2022 rájes sáhttá juohkehaš Unjárgga gielddas ávkkástallat govdafierpmádaga. Varanger-KraftUtvikling almmuha dan vejolašvuođa álbmogii. Lea Romssa ja Finnmárkku fylkkagielda mii ruhtada prošeavtta.
