2009 rájes lea gonorédávda lassánan 216 proseanttain Norggas. Dearvvašvuođaeiseválddit ballet ahte dát lohku lassána eanet.
2009 rájes lea gonorédávda lassánan 216 proseanttain Norggas. Dearvvašvuođaeiseválddit ballet ahte dát lohku lassána eanet.
Danmárkkus lea gonoredávda lassánan hirbmosit. Diibmá ledje dieđihuvvon 2 788 olbmo geain lei dávda.
Norggas ii leat seamma ollu lassánan, muhto Álbmotdearvvašvuođainstituhtta (FHI) vuorjašuvvá, čállá Dagbladet.
Fas lassáneame
90-logus njiejai gonorélohku go lei hiv- ja aidsepidemiija. Dál leat logut fas lassáneame, earret eará dan dihte go eai nu gallis geavat kondoma.
– Mii ballat geavvamis dánskalaččaid dillái moatti jagi geahčen. Gonoré lea dávda mii sáhttá viidát leavvat, muitala FHI seniorráđđeaddi Øivind Nilsen.
Norggas vuorjašuvvet
Diibmá dieđihedje 852:s gonoré njoammudávdda Norggas. Dán jagi leat 911:s dieđihan njoammudávdda Norggas.
– Jahkemolsašumis lea lohku birrasii 1100. Ii leat lahka ge nu ollu go Danmárkkus, muhto Norggas lea ollu jo lassánan. Dainna vuorjašuvvat dál, dadjá Nilsen.
Njoammudávda álggii álggos lassánit homofiila dievdduid gaskkas, muhto dál lea lassáneapmi maid heteroseksuála olbmuid gaskkas. Dávdda lea váttis fuomášit nissonolbmuin, ja sáhttá dagahit duođalaš infekšuvnna sihke nissonolbmuin ja dievdoolbmuin jus dan ii divššo. (©NTB)
