-Almmuhus-
OĐĐASAT Dánskalaš boahkku nuoskkesdávdii doaibmá olbmuide

Dánskalaš boahkku nuoskkesdávdii doaibmá olbmuide

-

-

Dánskalaš dutkit leat jođus fállat boahku klamydia nuoskkesdávdii, mii lea dábáleamos nuoskkesdávda Norggas, Ruoŧas ja Dánmárkkus.

Lea vuosttaš geardde go lea lihkostuvvan boahkuheamis olbmuid nuoskkesdávdda vuostá, dánskalaš mediaid dieđuid mielde.

– Lea hui earenoamáš midjiide. Mii leat bargan dáinna 15 jagi, ja klamydias ii leat vel boahkku, dadjá ossodathoavda Frank Follmann, Statens Serum Institut (SSI) Dánmárkkus.

Boahkku galgá geahččaluvvot máŋggaid olbmuide, ja dutkit sávvet ahte boahkku lea olámuttos badjelaš viđa jagi geahčin.

– Lea ain guhká ovdal go sáhttá oažžut boahku, dadjá Follmann. Nuoskkesdávda fáhtehallá sullii 131 miljovnna olbmui miehtá máilmmi. Norggas ledje 26 670 registrerejuvvon nuoskkesdávdadáhpáhusat 2018:s.

(@NTB)

- Advertisement -
-Almmuhus-