Odne deavdá Gonagas Harald 87 jagi.
Gonagasviessu beasai mánnodaga dieđihit ahte Gonagas lea priváhta mátkkis olgoriikkas boahtte vahkku, muhto mátki sáhttá leat álgán ovdal. Nu sáhttáge jurddašit ahte son ávvuda beaivvi olgoriikkas, ja nu son lea dahkan máŋgii ovdal.
85-jagi beaivvis, 2022:s, vulggii Gonagas ja olles su lagas bearaš dálvelupmui ovttas olgoriikii.
Gonagas Harald riegádii guovvamánu 21. beaivvi 1937 Skaugumis ja lea Eurohpá boarráseamos monárka.
Vaikko lea 87 jagi boaris, de lea Gonagasas leamaš aktiivvalaš jahki ja leat leamaš ollu dáhpáhusat, sus leat maid leamaš almmolaš mátkkit sihke sis- ja olgoriikkas.
(©NTB)
