Davviriikkalaš sámi giellabálkkašupmi geigejuvvo logát geardde dan čavčča sámeministariid ja sámediggepresideanttaid deaivvadeamis
Gollegiella bálkkašupmi geigejuvvui vuosttaš geardde 2004:s. Bálkkašupmi juhkkojuvvo juohke nuppi jagi ja lea 15 000 euro. Dál lea vejolaš evttohit kandidáhtaid dieđiha Ruoŧa sámediggi preassadieđáhusas.
Giellabálkkašumi ulbmil lea váikkuhit sámegielaid nannemii, ovddideapmái ja seailluheapmái Norggas, Ruoŧas,Suomas ja Ruoššas.
Giellabálkkašupmi juhkkojuvvo ovttaskas olbmuide, joavkkuide dehe servošiidda mat leat earenoamážit bidjan návccaid sámegielaid nannemii, ovddideapmái dehe seailluheapmái.
