Dán jagi Sámekonferánsa ja Kveanaseminára váldofáddán lea Duohtavuođa- ja soabahankommišuvnna raportta čuovvoleapmi.
Dán jagi lea Romssa ja Finnmárkku fylkkasuohkan ovttastahttán jahkásaš Sámekonferánssa ja Kveanaseminára.
Deaivvadeami váldofáddán lea duohtavuođa ja soabaheami geaidnu viidáset Romssas ja Finnmárkkus. Konferánssas jerret makkár ovddasvástádus fylkkasuohkanis lea ja makkár rolla fylkkasuohkanis berre leat soabadeamis.
Romssa ja Finnmárkku fylkkasuohkan heaittihuvvo ođđajagemánu 1. beaivvi 2024:s ja dalle šaddet Romsa ja Finnmárku fas guovtti fylkan. Dan oktavuođas háliidit konferánssas rávvagiid ođđa ovttasbargošiehtadusaide Sámedikkiin, ođđa doaibmaplánaide ja ođđa regionála plánaproseassaide iešheanalaš fylkkasuohkaniidda.
Konferánsa lágiduvvo Romssas skábmamánu 1. ja 2. beaivvi. Dieđihanáigemearri lea golggotmánu 18. beaivvi. Konferánssa lea maiddái vejolaš čuovvut neahta bokte.
Ulbmiljoavkkut leat almmolaš eiseválddit, politihkkárat ja hálddahusbargit, Romssa ja Finnmárkku sámi ja kveana birrasat, ásahusat, organisašuvnnat ja eará berošteaddjit.
