Suoidnemánu 1. beaivvi gidde Romssa suohkan sihke koronaguovddáža ja koronatelefovnna.
Dan čállá suohkan preassadieđáhusas. Koronaguovddáža ja koronatelefovnna maŋimuš rabasáigi lea geassemánu 30. beaivvi. Koronaguovddáža jođiheaddji, Øivind Benjaminsen, váimmolaččat giitá buohkaid geat leat veahkehan suohkana gieđahallat koronadávdda.
– Lean persovnnalaččat olu oahppan dan guovtti jagis. Lea leamaš hirbmat hušša ja gáibideaddji, ja lean rámis buot barggus maid juohkehaš lea dahkan. Áigumuša man bargit leat čájehan lea ágga manne lean ilolaččat jođihan guovddáža. Álggahanmokta, dáhtolašvuohta ja gierdevašvuohta bargguide mat leat dahkkon, leat dehálaš čoavddasánit váldit viidáset. Dan maid leat čađahan lea agibeaivvi erenoamáš. Lehket seamma rápmásat iežaidet ovddas go mun lean din ovddas, dadjá Benjaminsen bargiide.
Eará vejolašvuođat
Nuvttá ruovttuiskosiid ain fidne Romssa ráđđeviesus. Jus dárbbaša koronasertifikáhta dahje atteasta negatiiva koronaiskosis mátkki dihte, de fidne dan priváhta aktevrrain. Maŋŋel geassemánu 30. beaivvi sirdo maid koronaboahkuheapmi Romssa vaksinašuvdnaguovddážii.
