SVT Norrbotten dieđiha ahte Sandbacka joatkkaskuvlla Árvvesjávrris leat mánnodaga gidden maŋŋel go korona gávdnui skuvllas.
Sandbacka joatkkaskuvla Árvvesjávrris ballet korona leavvan bearehaga.
– Mii dieđihit ahte mii giddet joatkkaskuvlla go leat gávnnahan ahte skuvllas lea korona. Mii navdit ahte njoammun lea leavvan viidábut go álggos jáhkiimet.
Skuvla álggaha gáiddusoahpahusa disdaga ja plána ahte dat galgá doaibmat skábmamánu 26. beaivái.
Norrbottenis leat 3287 njoammuma duođaštuvvon, ja dál leat 18 olbmo divššus leanas ja guovttis leaba intensiivadivššus.
