Finnmárkku fylkkagielda lágida geasseskuvlla nuoraide geat eai leat ceavzán skuvlla. Ortnet čájehuvvo leat ávkin nuoraide.
Finnmárkku fylkkagielda lágida geasseskuvlla nuoraide geat eai leat ceavzán skuvlla. Ortnet čájehuvvo leat ávkin nuoraide.
Fálaldat lea maid oahpahalliide geat eai leat ceavzán dáid fágaid. Ovttasbarggu bokte galget eanet nuorat nagodit ceavzit ja čađahit joatkkaskuvlla oahpu fylkkas, čállá Finnmárkku fylkkagielda preassadieđáhusas.
Ollugat njulgejit dili geasis
Geasseskuvla lea bures lihkostuvvan maŋemus jagiid. Diibmá ledje measta 50 oahppi mielde ja 84 proseantta sis cevze fágaid go gerge eksámeniin. Finnmárkkus leat dat njeallje stuorámus joatkkaskuvlla mat čađahit geasseskuvlla. Skuvllat mat leat mielde ortnegis leat Hámmárfeastta, Álttá, Girkonjárgga ja Čáhcesullo skuvllat. Álgin lea iešguđet áiggis juohke skuvllas, nu ahte sii geat háliidit dán fálaldaga fertejit váldit oktavuođa skuvllain.
Goalmmát jahki
Fylkkagielda ozai SeastinBáŋkku (SNN) vuođđudusas doarjaga čađahit geasseskuvllaid ja lea ožžon juolluduvvot 500 000 ruvnno dasa. Lea goalmmát jahki go SNN vuođđudus addá dán doarjaga fylkkagildii.
