Dat lea šaddan masá árbevierrun ahte Dutkanfabrihkka boahtá geasset Kárášjohkii doallat dutkankurssa.
Kárášjohkii boahtá earálágan geasseskuvla dán jagi. Vuosttaš háve go lágidedje Geasselab:a lei 2019.
–Geasselab:a šaddá maiddái dán jagi. Almmatge lea juoga eará láhkai. Mánát sáhttet maiddái illudit áibbas ođđa kursii mas lea ođđa ja gelddolaš sisdoallu, čállá Kárášjoga gielda preassadieđáhusas.
Min magihkalaš planehta
Dán jagáš geasselab:s besset mánát oahpásmuvvat planehtaide ja geahččat dan mii dahká eatnama nu áidnalunddogin. Go dat leat oalle olu gelddolaš árttat mat dahket eallima dáppe ja eaige dain eará planehtain.
– Olu fáktorat fertejit leat sajis ovdalgo planehta livčče oruhahtti. Geasselab:s mii oahppat daid dehálepmosiid birra, čilge Dutkanfabrihka vuođđudeaddji, Hanne S. Finstad preassadieđáhusas.
Juohke kursabeaivvis leat dakkáraš bajitfáttát go magnetisma, čáhci jna. Vahkku mielde besset mánát iskkadit olu somás iskkademiid ja doaimmaid mat čilgejit ja čájehit mo dat leat gittalaga eatnama eallimiin.
Buorit ráđit astronávtii
Dutkanfabrihkka smiehttá ahte máhtolaš mánát leat máilbmái buorrin go dat rávásmuvvet. Ádden dihtii máilmmi gomuvuođa buorebut, de leat sii háleštan Skandinavia vuosttaš astronávttain, Christer Fuglesanga. Su muitalusat dan rájis go oassálasttii ISS gomuvuođastašuvnnas leat vuođđun stuorra osiin kursasisdoalus.
– Dán jagáš Geasselab:s ožžot mánát buoret áddejumi sin birastahtti máilbmái. Doaivumis mii bastit čájehit ahte eana lea stuorra ekovuogádat maid mii ovttas fertet gáhttet, muitala Finstad.
Ovttasbargguin gilvet realfágamovtta
Dutkanfabrihkka gáddá lassánit dárbbu olbmuide geat sáhttet ja dáhttot ain bargat reálafágaiguin. Fágasuorggi fuomášupmi ja ovttasbargu leamaš «vuoitun» buot beliide.
Báikkálaš návccat mat servet dása leat Kárášjoga gielda, Luostejok Kraftlag SA, Davvi Girji AS ja Averdi Karasjok AS.
Vihtta fákta Dutkanfabrihka Geasselab:a birra:
• Geasselab lea viđa beaivásaš dutkankursa mánáide 4.- 6. ceahkis. • Kursa dollojuvvo vahkku 33 Kárášjoga skuvllas • Ovccis logi váhnemis livčče fas mánáideaset sáddet Dutkanfabrihka Geasselab:ii. • Buot oasseváldit ožžot dutkandávviriid, t-báiddi ja bargogihppaga. • Dutkanfabrihkka lea sosiálentreprenevrra mii gilvá realfágailu ja áddejumi mánáide miehtá riikka.
Gáldu: www.forskerfabrikken.no
