Seiland Barnefestivalen oktavuođas dollojuvvo maiddái sámi lágideapmi.
Odne álgá nuvttá lágideapmi «Geassemánák Sievjjus».
– Dolin bohte Sievjju sullui Hámmerfeastta gávpotmánát geasseboddii, ja sii ledje mearrasámiid guossis bargoluomus, sin gohčodedje geassemánák mearrasámis, čállá Geassemánák Sievjjus Facebookas.
Lágideamis besset mánát vásihit sámegiela, kulturdoaimmaid, dujiid, čiŋaid, oahppat sámi verddevuođa birra ja gullat Sievjju mearrasámi luđiid birra.
Lágideamit leat Njižževuonas Nuortageaš Sievjjus. Sámediggi lea dorjon lágidemiid.
