Muhtin dievdu, gii gahčai jávrái mannan bearjadaga, lea gávdnon duššan.
Eaktodáhtolaš ohcanveahka gávnnai heavvanan dievddu Roabavuonas, Dielddanuori suohkanis, maŋŋit maŋŋebárgga eahkeda, dieđihit Romssa politiijat Twitteris.
Guokte dievddu leigga Sáltejávrris mannan bearjadaga go sudno fanas gopmánii. Guktot gahčaiga jávrái, ja dušše nuppi nákcejedje gádjut.
Ohcanakšuvdna, mii álggahuvvui lihkohisvuođa maŋŋel, heaittihuvvui lávvardaga čuovganeapmái go navde njealjátlot-jahkásaš dievddu heavvanan.
Ievttá ohcanakšuvnna lágidedje eaktodáhtolaččat ja heavvanan dievddu vieččai Ramsund miidnabuokčikommando gáddái.
