Gurutbellodagas lea leamašan nominašuvdnačoahkkin Romssas dán vahkkoloahpa, ja Trine Noodt Álttás lea válljejuvvon 1. kandidáhttan Finnmárkku Gurutbellodagas.
Finnmárkku Gurutbellodagas leat áššit main olusat beroštit. Golbma vuosttaš kandidáhta namuhit dáid áššiid:
– Mii háliidat bargat doaibmabijuid ovddas mat dagahit ahte lea miella bisánit Finnmárkui, nugo duppal mánáidoadju ja unnit vearru nu go Svalbárddas. Mii dárbbašat maid buriid skuvlafálaldagaid mánáide doppe lahka gos orrot, mat seammás sihkkarastet ođđa bargiid Finnmárkku ealáhussii.
– Rahčamuš ráinnas luonddu ovddas boahtá leat dehálaš ovddasguvlui. Mii eai hálit geavahit divrras elrávnnji mii boahtá gáttis elektrifiseret Muolkkuid, muhto baicce geavahit karbonagiddema ja -vurkema, ja váldit vára luonddus dan bokte ahte bidjat allagealddalinnjáid eatnan vuollai – juoidá mii lea áibbas dábálaš eará riikkain Eurohpás.
12 vuosttaš nama válgalisttus Finnmárkku Gurutbellodagas leat ná, ja listui bohtet eambbo namat njukčamánu 31. beaivvi rádjai, bellodaga dieđuid mielde.
1. Trine Noodt, Áltá
2. Isak Ole Hætta, Guovdageaidnu
3. Monica Balto Anti, Deatnu
4. Jørund Greibrokk, Áltá
5. Sten-Egil Johansen, Mátta-Várjjat
6. Jeanette Kristiansen, Áltá
7. Lar Halvor Uthus, Hámmarfeasta
8. Gunn Elisabeth Kristensen, Guovdageaidnu
9. Egil Kvernmo, Deatnu
10. Trond Jøran Mikkola, Mátta-Várjjat
11. Tommy Hæggernæs, Áltá
12. Anton Dahl, Guovdageaidnu
