Nissoniin, geain lei covid-19 infekšuvdna áhpehisvuođa áigge, lea stuorit riska riegádahttit jápmán máná, Álbmotdearvvašvuođainstituhta dieđuid mielde.
Dan čájeha stuorra, ođđa davviriikkalaš guorahallan. Riska lei stuorámus sin gaskkas geain lei infekšuvdna áigodagas go delta-variánta leavai, čállá Álbmotdearvvašvuođainstituhtta preassadieđáhusas.
Ulbmil dutkamušain lei iskat lei go riska jápminriegádahttimis stuorit maŋŋel 22 vahkku áhpehisdilis nissoniin geat testejedje positiivvalaččat covid-19 vuostá áhpehisdilis.
Jápminriegadahttin lea hui hárve, ja dan geažil lea váttis fuomášit lassáneami. Guorahallamis dasto ovttastahtte dieđuid nationála dearvvašvuođaregistariin Norggas, Ruoŧas ja Dánmárkkus vai oažžu doarvái stuora loguid guorahallamii.
