Sámi dáiddár ja arkiteakta Joar Nango lea evttohuvvon «Lorck Schive» 2023 dáiddabálkkašupmái.
«Lorck Schive» dáiddabálkkašupmi lea okta Eurohpá stuorámus dáiddabálkkašumiin. Dáiddabálkkašupmi juhkkojuvvo juohke nuppi jagi ovtta govvideaddjidáiddárii ja lea Trondheim kunstmuseum guhte geige bálkkašumi. Sámi dáiddár ja arkiteakta Joar Nango lea evttohuvvon «Lorck Schive» 2023 dáiddabálkkašupmái, čállá Nrk Sápmi.
Njealjis evttohuvvon
Muđui leat dát golmmas evttohuvvon oažžut bálkkašumi; Anna Daniell, Ane Graff ja Ahmed Umar, čállá Trondheim Kunstmuseum. Juohke evttohuvvon dáiddár oažžu 150.00 ruvnno buvttadit dáidaga. Iešalddis lea bálkkašumi vuoitu 500.000 ruvnno, Lorck Schive dáiddábálkšupmi lea okta máilmmi stuorámus ja oktiibuot juhkkojuvvo 1.100 000 ruvdno.
