Duojár Fredrik Prost muitalus mo son lea rahčan gávdnat sámi dološ oskku ja jurddašanvuogi ja vuoiŋŋalašvuođa ja goavdása ealáskahttima birra.
Sámi guovlluid evttohus: «Leŋges hearggi. Sáhčal fatnasa». Girječálli Fredrik Prost. Lea persovnnalaš muitalus mo gávdnat sámi dološ oskku fas. Lágádus lea DAT,2023.
13 romána, diktačoakkáldaga ja muitalusa lea evttohuvvon Davviriikkaid ráđi girjjálašvuođabálkkašupmái 2024. Dán jagáš evttohuvvon listu fátmmasta girjjálašvuođa suorggis miehtá Davviriikkaid. Dát bálkkašupmi lea geigejuvvon 1962 rájes dakkár čállindáidui mii lea čállon ovtta daid Davviriikkaid gielaide, ja mii deavdá sihke alla girjjálašvuođa ja dáiddalaš gáibádusaid.
Badjel 60 jagi bálkkašumi vuoitit leat speadjalastán ođđa áiggi ja gállán ođđa bálgáid girjjálašvuođas. Leat árvvoštallanlávdegotti nationála miellahtut geat evttohit girjjálašvuođa girjjiid Davviriikkaid girjjálašvuođabálkkašupmái 2024. Dá lea nominerejuvvon girjjit, čallá Davviriikkaid ráđđi preassadieđáhusas.
Girjjálašvuođabálkkašupmi geigejuvvo Reykjavikas Islánddas 2024 čavčča.
