Muhtun studeanttaide lea evttohuvvan sihkkut ráji man ollu sáhttet dinet váikkutkeahtes stipeandda.
Ráđđehus lea evttohan guhkidit dienasráji studeanttaide geat barget dearvvašvuođa- ja fuolahussuorggis, čállá Máhttodepartemeantta preassadieđáhusas. Eastadit ekonomalaš noađi sidjiide geat barget dearvvašvuođa- ja fuolahussuorggis, de biddjui ortnet johtui giđđat go lei dárbu bargiide suorggis.
– Dearvvašvuođa- ja fuolahussuorggis lea ain stuora dárbu bargonávccaide korona dihte. Studeanttat, geat veahkehit, eai galggá dárbbašit ballat ahte ollu liigebargu čuohcá stipendii. Danne evttohit mii guhkidit dan ortnega maid ásaheimmet giđđat, dadjá dutkan- ja alit oahppoministtar Henrik Asheim (O).
Loatnakássas lea rádji man ollu sáhttá dinet ovdal go unniduvvo stipeanda, go stipeanda dárboárvvoštallo dietnasa ektui maŋit áiggi.
