Dálkádatrievdamat ja servodaga luonddu rievdadeamit leat dagahan ahte muhtin luonddušlájat dárbbašit buoret suodjaleami Norggas. Dálkkádat- ja birasdepartemeanta evttoha addit sierra stáhtusa ja buoret suodjalusa korállacoahkásiidda ja dábálaš allajekkiide.
Dálkkádat- ja birasdepartemeanta sádde dál gulaskuddamii evttohusa mo suddjet korállacoahkásiid ja allajekkiid. Dat lea oassi áitojuvvon luonddu čuovvulanplánas.
– Dehálaš luonddušlájat jávket jođánit, sihke máilmmis ja Norggas. Lea dehálaš ahte eiseválddit sihkkarastet luonddu máŋggabealatvuođa ja rašes ekovuogádagaid njuolggadusaid ja buori hálddašeami bokte. Mii evttohat danin korállacoahkásiidda mearas ja dábálaš allajekkiide addit válljejuvvon luonddušlája stáhtusa vai buorebut suodjaluvvojit, lohká dálkkádat- ja birasministtar Espen Barth Eide preassadieđáhusas.
Dábálaš allajeaggi lea jeaggi gos lavdnji čielgasit lokte eatnama ja mas bajimus oassi lavnnjis oažžu veaga arvvi bokte. Dát jeaggešladja gávdno máttabealde Nordlándda máttás.
Korállacoahki leat smávva eallit mat ellet mearas ja dađe mielde go jápmet, de vudjot ja šaddet eará korállaealliid geađgejuolgin. Korállacoahkásat leat dehálaččat biologalaš máŋggabealatvuhtii ja guliid ceavzimii. Guktuin luonddušlájain ellet máŋggalágan iešguđetlágan eallit rašis ekovuogádagain. Luonddumáŋggabealatlágas lea válljejuvvon luonddušlájaid njuolggadusat.
