EU regiovdnakomitea galleda Girona gos galget digaštallat industriijanuppástusa.
70 regiovdnaráđi ja gielddaráđi sierra EU-riikkain bohtet Gironii. Sii galget iskat servodatnuppástusa Gironis ja maid industriijanuppástusa mii dál dáhpahuvvá. Buot industriijat áigot dál bargagoahtit fas nu ahte industriijabuvttadeapmi šaddá fossiilakeahttá.
EU-čoahkkmis áigot maid vuolláičállit Gironsoahpamuša. Lea erenomaš mearrádus, dadjá Girona gieldda sátnejođiheaddji Mats Taaveniku SVT Norrbottenii.
– Lea historjjálaš mearrádus mii váldo Gironis dál. EU áigu mearridit mot sii galget doarjut dan ruoná industriijanuppástusa mii galgá geavvat olles Eurohpás. Šaddá erenomážin deaivvadit Gironis fas EU regiovdnaráđiin ja miellahttoriikkaid gielddaráđiin, dadjá son.
