Dienasjagi 2022 vearrorehketdoallu lea dál gárvvis 5 miljovnna olbmo ja 405 000 fitnodaga vearus.
Logut čájehit ahte sullii 4,3 miljovnna bálkábargi, pensionistta ja persovnnalaš ealáhusdoalli leat máksán 655 miljárdda ruvnno vearu ja divada boađuin ja opmodagain.
405 000 fitnodaga leat oktiibuot máksán 164 miljárdda vearu. Dasa lassin boahtá petroleumvearru lagabui 883 miljárdda ruvnno ovddas.
Oktiibuot mávssiimet sullii 1 702 miljárdda ruvnno vearu sisaboahtojagis 2022.
– Dát lea alimus lohku maid mii goassege leat registreren vearrorehketdoalus, ja sivvan dasa lea ollu lassánan petroleumvearru. Muhto maiddái fitnodagain, bálkábargiin, pensionisttain ja persovnnalaš ealáhusdoalliin lea eanet vearru go ovddit jagiin, dadjá vearrodirektevra Nina Schanke Funnemark.
