Sámi artista Ella Marie Hætta Isaksen (21) galgá boahtte giđa veahkehit nuorra musihkkáriid miehtá riikka šaddat vel buorebun.
Boahtte giđđa ožžot gaskal 15- ja 19-jahkásaš musihkkárat vejolašvuođa oažžut Ella Marie Hætta Isaksena mentorin.
Norgga kulturskuvlaráđi prošeakta «Talent møter mentor», mii lea oassi Nordea-prošeavttat KU-Tur, addá dan vejolašvuođa nuoraide, čállá Norgga kulturskuvlaráđđi. Ohcanáigemearri lea ođđajagemánu 9. beaivvi ja álgovuorus lea sadji gávcci olbmui, muhto jus lea doarvái buorit ákkat, de sáhttet lasihit oaseváldinlogu. Lea NRK Sápmi mii vuosttamužžan čálii ášši birra.
