-Almmuhus-
-Almmuhus-
OĐĐASAT – Eat leat vel duđavaččat

– Eat leat vel duđavaččat

-

-

Maŋŋil go álgojienat leat lohkkon Porsáŋggus de čájehuvvo Bargiidbellodat leat njunnošis. Liikká eai leat vuos duđavaččat.

Bargiidbellodagas (Bb) leat dál, go álgo jienat leat lohkkon, 31 proseantta jienain Porsáŋggus, ja manná maŋos 8.7 proseantta

– Mannan gielddaválggain oaččuimet birrasiid 39 proseantta jienain, nu ahte jus dát leat loahppabohtosat de eat leat gal duđavaččat. Mun sávan dáid loguid rievdat eahkeda mielde, lohká Bargiidbellodaga sátnejođiheaddjievttohas Aina Borch.

 

Olgešbellodagas ges, guhte lea Bb stuorámus gilvaleaddji Porsáŋggus, ges lea dássážii ožžon 26,2 proseantta jienain ja manná maŋos 10.9 proseantta.

– Mii leat duđavaččat go Olgešbellodat manná maŋos. Muhto dál leat vuos dušše boaittobealegiliid jienat lohkkon, ja lea vuos váttis einnostit loahppa bohtosa, dadjá Borch.

– Mii sávvat ain bissut Porsáŋggu stuorámus bellodahkan ja leat duđavaččat go leat njunnošis dál.

 

-Almmuhus-