Mongolalaš Urna čuojaha fárrolaga polska klezmerjoavkkuin Krokein, dán geasi Riddu Riđus.
Mongolalaš Urna čuojaha fárrolaga polska klezmerjoavkkuin Krokein, dán geasi Riddu Riđus.
Urna lea bajásšaddan mongola sáđggiin , muhto válljii nuorran áŋgiruššat musihkalaš bargui. Urna lea ovdanbuktán árbevirolaš mongolalaš musihka riikkaidgaskasaččat logenár jagi jo, ja oaivvilduvvo leat okta Asia čeahpimus lávluin.
Kroke trio ges álggahii musihkalaš barggustis Kazimerz jazzklubbain, Krakow juvddálaš gávpotguovllus, ja oaččui internašunála veahki go Steven Spielberg válddii singuin oktavuođa ráhkadettiin «Schindlers liste» filmma. Dan rájes čuojahedje miehtá máilmmi ja vásihedje sukseassa. Joavku lea maid oassálastán filbmamusihkka ráhkadeamis earret eará Davi Lynch filmmaide.
– Urna čáppa lávlunjietna loktejuvvo energiijalaččat fárrolaga klezmer ritmmaiguin. Dát eahpitkeahttá šaddá erenoamáš musihkka vásáhus, dadjá festiválahoavda Karoline Trollvik
