UiT Norgga Árktalaš universitehtas olahedje 76 olbmo doavttergráda mannan giđa. Guorahallan čájeha ahte eanaš Norgga universitehtain lassánit doavttergrádastudeanttat.
UiT Norgga Árktalaš universitehtas olahedje 76 olbmo doavttergráda mannan giđa. Guorahallan čájeha ahte eanaš Norgga universitehtain lassánit doavttergrádastudeanttat.
Jagis lassánedje UiT Norgga Árktalaš universitehtas studeanttat, geat čađahedje doavttergráda, 46,15 proseanttain, čájehit Doktorgrader i tall diehtočállosa logut.
Mannan giđa olahedje 76 olbmo doavttergráda UiT Norgga Árktalaš universitehtas, 2016 giđa fas válde 24 studeantta doavttergráda.
Lassáneapmi miehtá Norgga
Mannan jagi leat eanaš Norgga oahpposajiin lassánan studeanttat geat čađahit doavttergráda oahpu.
2016 giđa rájes lassánedje čađahuvvon doavttergrádat 12 proseanttain Norgga universitehtain ja allaskuvllain.
Stuorámus lassáneapmi lea Oslo ja Romssa universitehtain.
Romssa universitehtas leat oktiibuot 1068 studeantta váldán doavttergráda 2007 rájes, dieđiha UiT Norgga Árktalaš universitehta iežas neahttasiiddus.
