Gaskavahkku ii registrerejuvvon okta ge ođđa koronanjoammun Romssa gávpogis.
Romssa suohkan dieđiha iežaset neahttasiidduin ahte eai registreren ovttage ođđa koronanjoammuma gaskavahkku.
Dál leat oktiibuot 32 olbmo isolašuvnnas ja 280:s erremis.
Romssas leavvagođii koronavirus guovvamánu loahpas, ja dat lea dan rájes njommon badjel 100 olbmui.
Vaikke dán vahkkus leat ain registrerejuvvon ođđa njoammumat, de oaivvilda suohkan ahte leat bissehan njoammuma.
Báikkálaš njoammuneastadandoaimmat eai guhkiduvvo ja nohket ihttá čuovganeapmái.
