Boazosápmelaččat muhtun orohagas Nuorta-Finnmárkkus lágastit stáhta vuostá Borgarting Lágamánnerievttis go eai leat ožžon boraspirevahátmávssu.
Diggái leat biddjon njeallje beaivvi ja vuosttas diggebeaivvi lea golggotmánu 23. beaivvi.
Ášši duogáš lea go orohat ii leat ožžon boraspirevahátmávssu. Stáhta lea biehttalan máksit birrasii 2 miljovnna ruvnno orohaga boazosápmelaččaide. Sivvan dasa lea ahte boazosápmelaččat leat diktán bohccuideaset guohtut lobiheamet ránnjáorohagas, vaikko stáhtahalddašeaddji lea gohččon boazosápmelaččaid vuojehit ealu eret ránnjáorohagas. Stáhta oaivvilda ahte boazosápmelaččat leat rihkkon lága ja danin ii máksán boraspirevahátmávssu.
Orohat galgá dieđihan unnimusat 3225 bohcco massán boraspiriide, muhto stáhta mávssii buhtadusa dušše 15 bohcco ovddas, čállá NRK Romsa ja Finnmárku. Dáhpáhus lea geavvan jagi 2019 ja 2020:s.
