Davvi-Norggas háliidit unnit go riikkas muđui almmáiolbmot áhččin šaddat.
Nu boahtá ovdan iskkadeamis man blipappa.no lea dahkan.
Davvi-Norggas leat 1400 almmáiolbmo searvan «Blipappa» iskkadeapmái. 71 proseantta vástidedje ahte illudit ja leat gergosat šaddat áhččin. Muđui riikkas vástidit 79 proseantta seamma jearaldahkii. Dán dieđihit preassadieđáhusas.
Bilpappa.no beaivválaš jođiheaddji Gilbert Borgen-Veland jáhkká sosioekonomalaš dahje kultuvrralaš dilit leat sivvan erohusaide.
– Leat miellagiddevaš logut, mat dahket ahte mii sáhttit viidásabbot dutkat ja gávdnat buoret vugiid hehttet páraid mannamis guovtti sadjái, dadjá Borgen-Veland preassadieđáhusas.
