Nuorta-Finnmárkku fiberjođas heaŋgá bures oidnosis šaldiid vuolde E6:s. Åse Gilje Østensen, dutki Suodjalusa allaskuvllas, dadjá dát lea hui duođalaš.
– Mu mielas lea dát hui duođalaš. Ii leat doarvái ahte infrastruktuvra lea rabasin. Dán johtasa sáhttá saboteret reaidduiguin oston lagamus Julas dahje Biltemas, dadjá Østensen NRK:i.
Østensen oaivvilda ahte soahti Ukrainas lea čájehan ahte dákkár johtasiid falleheapmi lea oassin Ruošša dábálaš soahteláidestusas, ja dat dagaha ahte fiberjođas Nuorta-Finnmárkkus lea hearki sabotášii.
Romssa ja Finnmárkku Stáhtáhálddášeaddji gearggusvuođadirektevra Ronny Schjelderup ii háliit vástidit njuolga lea go jođas doarvái sihkkarastojuvvon, muhto son moaitá gal go dat lea nu oidnosis.
– Mu mielas eai galgga olbmot diehtit kritihkalaš infrastruktuvrraid geinnodagaid birra, eai ge oaidnit daid, eanet go maid lea dárbu. Dat lea vai unnidit hearkivuođa, dadjá Schjelderup.
(©NTB)