Stáhtahálddašeaddji lea ožžon olu ohcamušaid, ja leat ohccojuvvon stuorra supmit dánjagáš eastadeaddji ja riidováidudeaddji doaibmabidjoohcamušain (FKT).
Romsii ja Finnmárkui lea juolluduvvon 13 miljovnna ruvnno eastadeaddji ja riidováidudeaddji doaibmabijuide (FKT), dat lea miljovnna unnit go 2023:s.
– Mii leat ožžon mealgat unnit ruđa go dat mii lea ohccojuvvon. Mii fertet danne vuoruhit iešguđet doaibmabijuid gaskka, čállá Stáhtahálddašeaddji preassadieđáhusas.
Dán jagi sii meannudit FKT-ohcamušaid njukčamánu mielde. Eanaš lohpádusreivvet sáddejuvvojit ovdal beassážiid.
– Mii vuoruhit álggos sin geat ožžot ruđaid. Máŋgasat boazodoalus leat jo álggahan doaibmabijuid maid ohcet, čállá Stáhtahálddašeaddji.
Biehttalusat sáddejuvvojit maŋŋá go lohpádusreivvet leat sáddejuvvon. Biehttalusat sáddejuvvojit jáhkkimis maŋŋá beassážiid.
– Váldde oktavuođa minguin jus ležžet gažaldagat, ávžžuhit sii.
