Romssa ja Finnmárkku fylkkamánni lea duššin dahkat Beardu gieldda báikkálaš errenáiggi mearrádusa.
Romssa ja Finnmárkku fylkkamánni dieđiha ruovttusiiddustis ahte njoammunsuodjalanlága § 1-5 mielde galget buot mearrádusain čielga medisiinnalaš fágalaš ákkastallamat. Dat lea eaktun jus áiggošii ásahit báikkálaš njoammunsuodjalandoaimmaid ja errenáigemearrádusaid. Dakkár ákkastallan váilu Beardu gieldda mearrádusas.
Váikkuha olusiidda
Romssa ja Finnmárkku fylkkamánni čilge ahte Beardu gieldda mearrádus váikkuha olbmuide, fidnuide ja doaimmaide maid nationála eiseválddit leat ávžžuhan suodjalit, almmá lagabui ákkastallama manin dáid rávvagiid garvet. Gielda ii lean láhčán dili nu ahte ealáhusat ja bargoeallima bealit besse oassálastit, ovdal go mearridedje, nu mo ođđa bagadallan eaktuda.
Fylkkamánni lea čađahan lágalašvuođadárkkisteami Beardu gieldda mearrádusa njoammundávdalága mielde ja duššin dahká gieldda mearrádusa.
