-Almmuhus-
-Almmuhus-
OĐĐASATDubmehallui rádjosii

Dubmehallui rádjosii

-

-

Muhtin 30-jahkásaš almmái dubmehallui odne rádjosii čieža ja bealle jahkái, go lea seksuálalaččat illastan mánáid muhtin mánáidgárddis gos ieš barggai.

Diggegottis 30-jahkásaš almmái dubmehallui rádjosii čieža jahkái ja guhtta mánnui, son galgá unnimusat vihtta jagi leat rádjosis. Almmái dubmehallui go lea seksuálalaččat illastan mánáid ja seksuálalaš daguid ja unohas láhttenvugiid ovddidan mánáid vuostá muhtin mánáidgárddis Romssas, gos ieš barggai, čállá Nordlys.

– Earret go dat mii guoská ráŋggáštusa guhkkodahkii, de lei duopmu ovttajienalaš, muitalaii diggegotti duopmár Oddmund Gamst ovdal go lohkagođii duomu.

Dikki unnitlohku dáhtui dubmet álbmá rádjosii guhtta jahkái, ja dáhtto su rádjosis leat unnimusat njealje jagi. Dan ákkastit ahte go almmái lea dovddastan illastemiid, de dat berre addit láivásat duomu go maid dikki eanetlohku lea gávnnahan.

Eanetlogu mearrádus dat lea gustovaš.

Almmái dubmehallui rádjosii čieža ja bealle jahkái, de galgá unnimusat vihtta jagi leat rádjosis. Dalle lea albmái jo juolluduvvon ráŋggáštusgeahpádus, diggi deattuha dábálaš ráŋggáštusdási dákkár áššiin leat birrasiid ovcci jagi giddagasas.

 

Áššehuhtton guovtti čuoggás

Illasteamit dáhpáhuvve 2013:s gitta dassái go almmái váldui gitta mánáidgárddis, miessemánu 6. beaivvi mannan giđa. Almmái seksuálalaččat illastii njeallje máná, guovttis mánáin leaba máŋgii illastuvvun.

Almmái lea maiddái dubmejuvvon govvideames mánáid seksuála hámis mánáidgárddis, ja maiddái viežžan illastanmateriálaid neahtas. 30-jahkásaš lea áššehuhttui guovtti čuoggás dain 27 čuoggáin maid ovddas lei áššáskuhtton.

Oapmahaččat ledje čoahkkanan Romssa diggegoddái čuovvut diggecealkámuša, dieđiha Nordlys.

-Almmuhus-