Minecraft jorgaleaddji Lemet Máhtte Eira Sara ovttasráđiid Gáisi giellaguovddážiin ja Sámi giella- ja kulturguovddážiin lágidit LIVE gaming gilvvu guovvamánu 2. beaivvi tiibmu 16.00-19.00.
RiddoDuottarMuseaid Porsáŋggu Musea dieđiha sii ovttasráđiid, Gáisi giellaguovddážiin, Sámi giella- ja kulturguovddážiin ja Minecraft jorgaleddjiin Lemet Máhtte Eira Sarain lágidit LIVE gaming eahkeda sámi 7–12 -jahkásaš mánáide, guovvamánu 2. beaivvi tiibmu 16.00-19.00.
Lemet Máhtte láidesta gilvvu Romssas. Porsáŋggu musea dieđiha ahte sis leat guokte sámi nuora geat veahkeheaba sin geat servet LIVE gilvui. Oassálastit fertejit váldit mielde dihtora ja sis galgá leat Minecraft Java liseansa. Fálaldat lea nuvttá.
