Gaskavahkku registrerejedje golbma ođđa koronanjoammuma Romssas.
Golmma ođđa njoammumis lea okta olmmoš lagasoktavuohta eará koronabuohccái, ja dan guovtti earás leat ain guorrame njoammungeainnu.
Gaskavahkku njoammumiin ii leat čanastupmi skuvllaide ja mánáidgárddiide nu go leamaš árabut dán vahkkus, muhto okta koronabuhcciin bargá Utsikten doavtterguovddážis.
– Njoammunguorrit váldet oktavuođa buot doavtterguovddáža pasieanttaiguin geaidda koronavirus sáhttá leat njommon, lohká Romssa njoammuneastadandoavttir Trond Brattland preassadieđáhusas.
